Kurdish - Sorani

19ی ئەیلوول، لە 27 ساڵەی كۆچی دوایی هونەرمەندی ڕۆژئاوای كوردستان (جەمیل هۆرۆ) لە هەولێر و لە ماڵی نووسەری كوردی ڕۆژاوا (محەممەد حەمۆ) ڕێوڕەسمێك، كە نوێنەری ژمارەیەك لە كەسایەتیی هەموو پارچەكانی كوردستان تێیدا ئامادەبوون، بەڕێوەچوو. بۆ ئەو مەبەستە شاندێك لە ئنستیتیوتی كەلەپووری كورد بەشدارییان لەو یادەدا كرد .

سەرەتای ئاهنگەكە بە سروودی (ئەی رەقیب) دەستیپێكرد، دوایی ئەوە وتاری نووسەر محەممەد حەمۆ و ووتاری ئنستیتیوتی كەلەپووری كورد خوێنرانەوە. پاشان، دكتۆر كامەران بەدرخان لە وتەیەكدا باسی ئەوكەسانەی كرد كەڕۆلیان بووە لە ئامادەكردنی ئەم مەراسیمەدا و هەروەها ڕۆلی ئنستیتیوتی كەلەپووری كورد، كە تاكە دەزگایە كە بایەخ بە كەلتوور و هونەرمەندانی كورد دەدات، بەرز نرخاند.

شایەنی باسە كە یاد و ئاهنگەكە بە سەرپەرشتی گرووپی (ئارمانجی عەفرین) بەڕیوچوو و چەند تابلۆیەكی هەڵپەركێی عەفرین پێشكەشكرا، دواتر هەندێك لە دەنگبێژ و گۆرانیبێژانی عەفرین بەپێشكەشكردنی چەند لاوك و گۆرانییەكانی جەمیل هۆرۆ یادەكە بەرز راگیرا .

 

Visitors

  • Total Visitors: 215302
  • Unique Visitors: 6068