ڕۆژا چارشەمبێ (٢٠١٨/١٢/١٢)ێ، ئەنستیتویا كەلەپووری ب هاریكارییا زانكۆیا زاخۆ ب ڤیستەڤالەكا كەلتۆری ڕابوو، تێدا پیشانگەها  كتێبان د گەل یا وێنەیێن فۆتۆگرافی و دەنگ و ڕەنگان هاتە ڤەكرن و دیسا ل دەمژمێر (00: 11) سپێدێ، سمینارەك د بن ناڤنیشانا (پێكڤەژیان ل هەرێما كوردستانێ) ژ بەرێ سەرۆكێ ئەنستیتیویا كەلەپوورێ كورد، مامۆستا (مەزهەرێ خالقی)ڤە، د گەل ڕێزدار دكتۆر(سەعید خودێدا) مامۆستایێ زانكۆیا دهۆك هاتە گێڕان و تێدا ڕەوشا كێم نەتەوەیان ل هەرێما كوردستانێ هاتە بەحسكرن و پشتی ب دووماهیهاتنا سمینارێ، دەرگەهێ دانوستاندنێ هاتە ڤەكرن و ئامادەبوویان دیتن و بۆچوونێن خۆ ل دۆر مژارێن هاتینە ئازراندن دەربڕین. جهێ ئاماژەپێدانێیە, كو تەوەرێ دووماهییێ ژ چالاكییێ نمایشكرنا فیلمەكێ دیكیۆمێنتاری بوو ل سەر پێكڤەژیانا ئۆل و نەتەوەیان ل كوردستانێ. ل دووماهییا چالاكییێ ژی، هاتە پێشنیاركرن كو هەولێن ژ ڤی ڕەنگی، د ناڤ گشت زانكۆ و سازییێن حكوومی و كەرتێن تایبەتدا بهێنە ئەنجامدان و بێ جوداهی خزمەتا نفشێ نوی و چاند و هونەرێ كوردی بێتە كرن.

Kurdish - Sorani

Visitors

  • Total Visitors: 1282856
  • Unique Visitors: 15938